ОФТАЛМОЛОШКИ ПРЕГЛЕДИ КАЈ ДЕЦА – КОГА И ЗОШТО СЕ НЕОПХОДНИ?
Здравјето на очите кај децата е од клучно значење за нивниот развој и учење. Децата не секогаш можат да кажат дека имаат проблем со видот, па затоа е важно родителите да препознаат знаци кои укажуваат на потреба од офталмолошки преглед.
Првиот офталмолошки преглед треба да се направи во текот на првата година од животот, следниот пред полнење на три години, а потоа на почетокот на училиштето. Доколку нема проблеми, прегледите можат да се вршат на секои две години.
Најчестите проблеми со видот кај децата вклучуваат страбизам (кривење), амблиопија (мрзливо око), далекувидост, кратковидост и астигматизам. Ако дете често трие очи, го приближува материјалот за читање или се жали на главоболки, потребно е да се направи детална офталмолошка контрола.
Навремената дијагноза може да спречи потешкотии во учењето и секојдневното функционирање. Затоа, родителите треба редовно да го проверуваат видот на своето дете.
Слични текстови
Аблација
Што претставува аблацијата? Аблацијата претставува одвојување на ретината (задниот слој на окото) од околното ткиво. Ретината служи за процесирање на светлината и формирање на сликата, но при аблација таа не може соодветно да функционира. Тоа е ургентна состојба која треба брзо да се третира со цел да не дојде до трајно губење на видот. Симптоми? Светкање на окото (“флеш”, “молња”); Појава на бројни црни точки во видното поле; Сенка (во вид на завеса) во еден дел од видното поле. Третман? Лекувањето е исклучиво оперативно. Постојат повеќе видови операции во зависност од степенот на аблацијата: Ласерски третман; Криотерапија; Поставување на трајна силиконска трака; Витректомија.
Катарактата (старечкото перде) е болест која настанува како резултат на заматувањето на леќата на окото, при што тоа доведува до намалување на видната острина. На тој начин, видот станува заматен и истиот, со текот на времето постепено се намалува. Во продолжение, упатуваме внимание на десет поважни информации кои се однесуваат на оваа болест на окото. 1. На светско ниво, над 5% од популацијата има катаракта. 2. Заматениот или избледен поглед, проблемите при гледањето навечер, двојното гледање на еден предмет или постојаното менување на диоптријата на окото, се само некои од најчестите сигнали за појавата на катаракта. 3. Ризикот од добивање на катаракта значително се намалува доколку избегнувате изложеност на окото на сончевите UV зраци, доколку намалите со консумирање на алкохол и доколку престанете со пушењето на цигари. 4. Болестите како што се дијабетесот и хипертензијата, како и неправилните диети, го зголемуваат ризикот од добивање на катаракта. 5. Балансираната исхрана со многу овошје и зеленчук (особено зеленолисни зеленчуци) влијае позитивно во однос на намалувањето на ризикот од добивање на катаракта. 6. Хирургијата на катаракта, спаѓа во групата на најпрецизните хируршки интервенции и во најголем број од случаите, по нејзиното успешно завршување, пациентите можат да си заминат од болницата уште истиот ден. 7. Катарактата се развива на секое око одделно и таа не се пренесува од око на око. 8. Возраста е најзначајниот фактор кој го зголемува ризикот од добивање на катаракта. 9. Иако катарактата најмногу е карактеристична за возрасните и за старите луѓе, сепак и малите деца, како и бебињата може да развијат катаракта. 10. Катарактата може да се развие во различни форми, како и на различни места на окото. Во специјалната очна болница „Деница“, искусниот тим на хирурзи сосема брзо, сигурно и безбедно успешно ги изведува овие интервенции. Закажете преглед на 02/3068-288. Затоа што вашите очи го заслужуваат најдоброто.
Д-Р БУЧКОВСКА ОДРЖА ПРЕДАВАЊЕ ЗА ЛИЦАТА СО ДИЈАБЕТ
На 17.12.2018 година, д-р Виолета Бучкоска од Специјалната очна болница „Деница“, одржа предавање на едукативната работилница организирана од Асоцијацијата за детски дијабетес на Македонија „Ба ланс МК“ и од Здружението на лица со дијабетес „Алегрија“, која се одржа во Центарот за семејна медицина. На предавањето кое се однесуваше на промените на очите кај лицата со дијагностициран дијабетес, д-р Бучковска ги запозна присутните со клучните особености на оваа состојба, истовремено, давајќи попрецизни совети за офталмологијата и за дијабетесот на прашањата поставувани од страна на учесниците. Работилницата е дел од едукативниот караван кој се спроведува низ повеќе градови во Македонија, а на кој имаат земено учество повеќе од 500 лица со дијагностициран дијабетес од типот 1 и од типот 2. Специјалната очна болница „Деница“, како општествено одговорен субјект, во континуитет спроведува најразлични едукативни настани кои имаат за цел да придонесат за унапредување на свесноста на граѓаните за очното здравје.
